Munstro harrapatzaileak

Kaixo!! Gure LH 1-2.mailetako ikasleek gorputz hezkuntzako saioetan ipuin motore kooperatiboa landu dute. Hainbat saiotan Munstro Harrapatzaile bihurtu dira eta planteatutako erronkak gainditu dituztenez gero, ikasle bakoitzak diploma bat lortu du. Hemen dituzue gure Munstro harrapatzaileak!!!

Erronka motore kooperatiboak

Kaixo! Lehenengo hiru hilabetea bukatzen ari zaigu. Gorputz Hezkuntzan LH 3-4-5-6.mailako ikasleekin erronka motore kooperatiboak osatu ditugu eta egindako lanarekin bideotxo bat duzue ikusgai hemen. Bi taldetan aritu gara eta elkarrekin kooperatuz edozein erronka gainditu daitekeela ikusi dugu. Espero dugu bideoa zuen gustukoa izatea!!

Eskola txikietako kirol topaketak 2018

Aurreko mezuan aurreratzen genizuen bezala hemen dituzue kirol topaketen inguruko argazkiak bideotxo txiki batean. Ea zuen gustukoak diren!!

Eskola txikietako kirol topaketak 2018

Kaixo!! Pasa den ostiralean martxoak 9, Aginaga eskolako LH 3-4-5.mailako ikasleak Tolosara joan ziren eskola txikietako kirol topaketetan parte hartzera. Tolosaldeko Atarian artikulu batean egun horri buruzko informazioa irakur dezakezue eta baita hainbat argazki ikusi ere. Azpiko estekan sakatuz gero ikusgai izango duzue:

https://ataria.eus/tolosaldea/1520602175496-eskola-txikien-topaketa-420-haur-bildu-ditu

Laster izango duzue Aginagako eskolako ikasleen argazkia ikusgai!!

Ipuin motore kooperatiboa LH 1-2.mailak

Kaixo! Atzo gorputz hezkuntzako saioa izan zuten LH 1-2.mailetako ikasleek. Saioan ipuin motore kooperatiboa osatu genuen. Horretarako indio bihurtuta erronka desberdinak gainditu behar zituzten ikasleek. Hemen dituzue erronka batzuen bideoak:

Gorputz adierazpena eta erlajazioa

Kaixo! Atzo urtarrilak 30, gorputz hezkuntzako saioan, gorputz adierazpena eta erlajazioa lantzen aritu ginen. Hemen duzue bukaerako erlajazioaren bideotxo bat. 
Ea zuen gustukoa den!

Yoga saioak eskolan

Kaixo!! Gaur urtarrilak 24 bisita berezi bat izan dugu eskolan. Lorea yogako irakaslea etorri zaigu eta HH 4-5 urteko ikasleak, LH 1-2.mailakoak eta LH 3-4-5.mailetakoek aukera izan dute yogari buruzko hastapentxo txiki bat egiteko. Hemen ikus ditzakezue saioetako une batzuk:

ESKERRIK ASKO LOREA ZURE LAGUNTZAGATIK!!!!

Gorputzaldiak: Konfiantza LH 1-2.mailak

Gaur urtarrilak 23 LH 1-2.mailako ikasleek konfiantzari buruzko saioa osatu dute. Hainbat jolas eta jarduera desberdinen bidez gorputz adierazpenaz gain bestelako sentipenak lantzen dituzte. Unitate didaktiko bakoitzaren bukaeran taldeko lan bat osatu behar izaten dute ikasleek. Hemen duzue oraingoan sortu dutena. Ea zuen gustukoa den!!!

Herri kirolak LH

Abenduaren 5ean gorputz hezkuntzako saio bikoitza osatu genuen. Batetik LH 1-2.mailetako ikasleak eta bestetik LH 3-4-5.mailetako ikasleek herri kirol desberdinez gozatzeko aukera izan zuten. Horretarako eskola kiroleko herri kirol federazioko Ekiñeren laguntzari esker 5 herri kirol desberdin praktikatzeko aukera izan zuten gure ikasleek: lokotxak, txingak, zaku lasterketa, giza proba eta sokatira. Hemen dituzue bi taldeen bideoak:

Akrosport LH 3-4-5.mailak

Ostiralean abenduak 3 gorputz hezkuntzako saioan oreka lantzeko eta taldekako lana bultzatzeko lantxo pare bat egin genituen. Hemen dituzue egindako lanen bideotxo pare bat:

Gorputz adierazpena lantzen

Kaixo, joan den asteartean azaroak 28 LH 1-2.mailetako ikasleek gorputz adierazpena lantzen aritu ziren, kasu honetan enpatian oinarritutako jarduerak erabili zituzten beren lanak osatzeko. Bi taldetan banatuta beren lanak bideoz grabatu genituen. Hemen dituzue beren aurkezpenak. Ea zuen gustukoak diren!

Akrosport LH 1-2.mailak

Kaixo, hemen dituzue gorputz hezkuntzako saioan landutako akrosport ariketekin osatutako bideotxo bat. Ea zuen gustukoa den!!

JOLASAK IKASLEEK EGINDAKO MATERIALEKIN

Gaur ekainak 6 gorputz hezkuntzako saioan ikasleek sortutako materialekin jolasak egin ditugu. Patriciaren laguntzarekin arteko saioetan ikasleek frisbee-ak egin dituzte eta 3-4-6.mailakoek egindako zankoak ere erabili ditugu. Hemen dituzue hainbat argazki:

Bizikleta irteera

Atzo ekainak 1, iaz bezala bizikleta irteera osatu genuen LH-ko 3-4 eta 6.mailakoekin. Eskolan elkartu ondoren eta kaskoak jantzita Zubietaraino joan ginen. Zubietako frontoian hamaiketakoa egin eta beisbolean aritu ginen. Ondoren berriro bueltatu ginen eskolara. Hemen dituzue gure txirrindularien eta kirolarien argazki batzuk:

Bide Hezkuntza bizikletan LH 1-2.mailak

Gaur maiatzak 30 asteartea Gorputz Hezkuntzako saioan Bide Hezkuntzako saiotxo bat egin dugu bizikletak erabiliz. Lehenik seinale desberdinak ezagutu ditugu eta bakoitzak markatzen duena ikasi, ondoren frontoian zirkuitua osatzeko. Hemen dituzue saioko hainbat argazki: