Euskararen eguna

Dakizuenez abenduaren 3an euskararen eguna izan da. Egun seinalatu hau ospatzeko eskolan asmakizun saiotxoa eta bertso saiotxo txiki bat egin dugu. Hori dela eta hemen duzue asmatutako bertso pare bat zuek etxean ere kanta itzazuen.

Euskararen eguna 

abenduak hiru,

hizkuntza babestea

denoi dagokigu,

izan gaitezen denok

gu horren testigu.

Indio asko gara

bat bakarra tribu

DOINUA: ARTUA AHITU ETA 1 (ZORTZIKO TXIKIA)

Zaharra dugu gure hizkuntza       

zaharrena beharbada,

euskaldunok erabili dugu

bakoitzak bere erara,

jaso baititu urte askotan

hainbat ta hainbat zaplada

baina ez dezagun galtzen utzi.

Gora ta gora euskara!

 DOINUA: Bertso polit bat kantatuko det A (ZORTZIKO HANDIA)